އަންހެނުން އިޤްތިޞާދީ ގޮތުން ބާރުވެރިކުރުވުމާއި އަދި މަސައްކަތުގެ ރޮނގުގައި އަންހެންކަބަލުންނަކީ ހުނަރުވެރި ބަޔަކަށް ހެދުމުގެ ގޮތުން ކުމުންދޫ ކައުންސިލުން އިސްނަގައިގެން "ސޮފްޓް ޓޯއީސް ހަދަން ދަސްކޮށްދޭ ކޯހެއް 10 އޮކްޓޯބަރ 2024ގައި ފެށުމަށްވަނީ ހަމަޖެހިފައެވެ. މި ކޯހުގައި ތަފާތު ވައްތަރުގެ ސޮފްޓް ޓޯއީސް ހަދަން ދަސްކޮށްދިނުމުގެ އިތުރުން އަތްތެރި މަސައްކަތްވެސް ދަސްކޮށްދެވިގެންދާނެއެވެ.

 7 ދުވަހުގެ މުއްދަތަށް ކުރިއަށް ގެންދަން ހަމަޖެހިފައިވާ މި ކޯހުގައި  ކިޔަވައިދެއްވާނީ "ދަ ގިފްޓް ބާސްކެޓް މޯލްޑިވްސް" ގެ ފަރާތުން ޔުމްނާ ރަޝީދެވެ. ކޯހުގައި ޖުމުލަ 20 ބައިވެރިންނަށް ފުރުސަތު ހުޅުވާލެވިފައިވާއިރު ކޯހުގެ ފީ އަކީ 500/- ރުފިޔާއެވެ. ކޯހުގައި ބައިވެރިވާ ބައިވެރިން ފަހަންބޭނުންކުރާ ފަހާފޮށި ފިޔަވައި އެހެން ހުރިހާ ތަކެއްޗެއް ފޯރުކޮށްދޭ ގޮތަށްވަނީ ހަމަޖެހިފައެވެ.

ކޯހުގައި ބައިވެރިވާން ބޭނުންވާ ފަރާތްތަކުން 17 ސެޕްޓެމްބަރ 2024 ވާ އަންގާރަ ދުވަހުގެ 14:00 ގެ ކުރިން ކޯހުގައި ބައިވެރިވުމަށްއެދޭ ފޯމް ފުރިހަމަ ކުރުމަށްފަހު ހުށައެޅުއްވުން އެދެމެވެ. އިތުރު މައުލޫމާތު ސާފުކުރައްވަން ބޭނުންފުޅުވެލައްވާނަމަ  ކައުންސިލް މެމްބަރ ޝާއިދާ މޫސާ (9643507) އަށް ގުޅުއްވައިގެން ކުރިއަށް ގެންދެވުން އެދެމެވެ. 

ބައިވެރިވުމަށް އެދޭ ފޯމް: https://forms.office.com/r/3LUaXaKV9U                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                               

މިހެންވެ، މިކަން ޢާންމުކޮށް އެންގުމަށްޓަކައި އިޢުލާނު ކުރީމެވެ.