މިރަށުގައި އޮޑިއެހެލުމަށް ޚާއްޞަކުރެވިފައިވާ ސަރަޙައްދު ނޫން އެހެން އިޖްތިމާޢީ ސަރަހައްދު ތަކަށް (ޚާއްސަކޮށް ކުޑަކުދިންނާ ދޮށީ ޢުމުރުފުރައިގެ ބޭފުޅުން މޫދަށް އެރިއުޅޭ ސަރަޙައްދުތަކުގެ އެއްގަމަށް) އުޅަނދުފަހަރު މަރާމާތު ކުރުމަށާއި އެހެނިހެން ބޭނުންތަކަށް އެހެލާފައި ހުންނަކަން މިކައުންސިލަށް ވަނީ ފާހަގަކުރެވިފައެވެ. އެނގި ވަޑައިގަންނަވާނޭ ފަދައިން މިފަދަ ސަރައްދުތަކުގައި އުޅަނދުފަހަރު މަރާމާތުކުރުމުގެ މަސައްކަތް ކޮށްފިނަމަ، އެ ސަރަހައްދުތަކަށް މޫދަށް އެރި އުޅޭ ފަރާތްތަކާއި، ހިތްހަމަޖައްސާލުމަށް މަޑުކޮށްލާ ފަރާތްތަކަށް ތަފާތު ސިއްޙީ މައްސަލަތައް ކުރިމަތި ވުމަކީ ވަރަށް ގާތްކަމެކެވެ.

ވީމާ، މިރަށުގައި އޮޑިއެހެލުމަށް ޚާއްޞަކުރެވިފައިވާ ސަރަޙަދު ނޫން އެހެން ސަރަޙައްދުތަކަށް އެހެލާފައިވާ އުޅަނދުފަހަރު، މިއަދުންފެށިގެން 15 ދުވަސްތެރޭގައި އެ ސަރަޙައްދުން ނެންގެވުން އެދެމެވެ. މި މުއްދަތުގެ ތެރޭގައި ނުނަންގަވާ ތަކެތީގެ މައްސަލަތައް ފުލުހުންނަށް ހުށަހަޅައިގެން ކުރިއަށް ގެންދާނެ ކަމުގައި ދަންނަވަމެވެ.

މިހެންވެ މިކަން އާންމުކޮން އެންގުމުގެ ގޮތުން އިޢުލާން ކުރީމެވެ.