ވަޒީފާގެ ފުރުޞަތު

މަޤާމުގެ ނަން:

 މީޑިއާ އޮފިސަރ

ރޭންކް:

 GS3/B

ސެކްޝަން/ޑިޕާޓްމަންޓް

 މީޑިއާ އެންޑް ކޮމިއުނިކޭޝަން ސެކްޝަން

ބޭނުންވާ އަދަދު:

 1

ތަޢުލީމާއި ތަޖުރިބާ:

• މަޤާމުގެ މަސައްކަތްކުރުމުގެ ހުނަރު/ޤާބިލްކަން ސާބިތުކޮށްދިނުމާއެކު، ޖީ.ސީ.އީ އެޑްވާންސް ސަބްސިޑިއަރީ އިމްތިހާނުން 2 މާއްދާއިގެން 'އީ' ގްރޭޑް ލިބިފައިވުމާއެކު، ސެކަންޑްރީ ސްކޫލް ސެޓްފިކެޓް އިމްތިޙާނުގައި 'ދިވެހި' މިމާއްދާއިން ދަށްވެގެން 'ސީ' ގްރޭޑް ލިބިފައިވުން، ނުވަތަ

• މަޤާމުގެ މަސައްކަތްކުރުމުގެ ހުނަރު/ޤާބިލްކަން ސާބިތުކޮށްދިނުމާއެކު، ސާނަވީ އިމްތިހާނަކުން 2 މާއްދާއިން ދަށްވެގެން 'ޑީ' ގްރޭޑް ލިބިފައިވުމާއެކު ސެކަންޑްރީ ސްކޫލް ސެޓްފިކެޓް އިމްތިޙާނުގައި 'ދިވެހި' މިމާއްދާއިން ދަށްވެގެން 'ސީ' ގްރޭޑް ލިބިފައިވުމާއެކު، މަޤާމުގެ މަސައްކަތާގުޅޭ ދާއިރާއެއްގައި 3 އަހަރު ދުވަހުގެ މަސައްކަތު ތަޖުރިބާލިބިފައިވުން، ނުވަތަ

• މަޤާމުގެ މަސައްކަތްކުރުމުގެ ހުނަރު/ޤާބިލްކަން ސާބިތުކޮށްދިނުމާއެކު، މަޤާމަށް ބޭނުންވާ ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑު ލެވެލް 4 ގެ ސަނަދެއް ހާސިލްކޮށްފައިވުމާއެކު، މަޤާމުގެ މަސައްކަތާގުޅޭ ދާއިރާއެއްގައި 3 އަހަރު ދުވަހުގެ މަސައްކަތު ތަޖުރިބާ ލިބިފައިވުން، ނުވަތަ

• މަޤާމުގެ މަސައްކަތްކުރުމުގެ ހުނަރު/ޤާބިލްކަން ސާބިތުކޮށްދިނުމާއެކު، މަޤާމަށް ބޭނުންވާ ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑު ލެވެލް 3 ގެ ސަނަދެއް ހާސިލްކޮށްފައިވުމާއެކު، މަޤާމުގެ މަސައްކަތާގުޅޭ ދާއިރާއެއްގައި 6 އަހަރު ދުވަހުގެ މަސައްކަތު ތަޖުރިބާ ލިބިފައިވުން.

މަޤާމުގެ މައިގަނޑު މަސްއޫލިއްޔަތު:

• ރައްޔިތުންގެ މަޖިލީހުގެ ޖަލްސާތަކާއި ކޮމިޓީ ބައްދަލުވުން އަދި މަޖިލީހުގެ އިދާރާއިން ބާއްވާ އެހެނިހެން ބައްދަލުވުންތަކުގެ ފޮޓޯއާއި ވީޑިއޯ ނެގުމާއި އެތަކެތި ހަމަޖެހިފައިވާ އުސޫލުން ރައްކާތެރިކޮށް ބެލެހެއްޓުން.
• ރައްޔިތުންގެ މަޖިލީހުގެ ޖަލްސާތަކާއި ކޮމިޓީ ބައްދަލުވުން އަދި މަޖިލީހުގެ އިދާރާއިން ބާއްވާ އެހެނިހެން ބައްދަލުވުންތަކާ ގުޅޭ ޚަބަރާއި ނޫސްބަޔާންތައް އިނގިރޭސި ބަހުންނާއި ދިވެހި ބަހުން ލިޔެ ތައްޔާރުކުރުން.
• ރައްޔިތުންގެ މަޖިލީހުގެ ޖަލްސާތަކާއި ކޮމިޓީ ބައްދަލުވުން އަދި މަޖިލީހުގެ އިދާރާއިން ބާއްވާ އެހެނިހެން ބައްދަލުވުންތަކާ ގުޅޭ މަޢުލޫމާތު ހަމަޖެހިފައިވާ އުސޫލުން މަޖިލީހުގެ ސޯޝަލް މީޑިއާގައި ހިއްސާކޮށް އާންމުކުރުން.
• ރައްޔިތުންގެ މަޖިލީހުން އާންމުކުރާ ލިޔުންތައް އިނގިރޭސި ބަހަށް ތަރުޖަމާކުރުން.
• މަޖިލީހުގެ ވެބްސައިޓުގައި ހިމެނޭ ބައިތަކުގެ ތެރެއިން މީޑިއާ ސެކްޝަނުން ބަލަހައްޓާ ބައިތަށް އަޕްޑޭޓްކޮށް ބަލެހެއްޓުން.

• މަޖިލީހުގެ ރައީސް އާއި ނާއިބު ރައީސްގެ ބައްދަލުވުންތަކާއި މަޖިލީހުން ކުރިއަށްގެންދާ ބައްދަލުވުން ތަކުގެ ވީޑިއޯއާއި ފޮޓޯތައް އެޑިޓްކޮށް އިވެންޓްތަކުގެ ކޮންޓެންޓް ތައްޔާރުކުރުން.

• ރައްޔިތުންގެ މަޖިލީހުގެ މަސައްކަތްތަކާއި އަދި މަޖިލީހާ ގުޅޭގޮތުން އާންމުން ހޭލުންތެރިކުރުމަށް ބޭނުންވާ ވިޝުއަލް (ވީޑިއޯ / ފޮޓޯ / ގްރެފިކްސް) ކޮންޓެންޓް ތައްޔާރުކުރުމާއި ކޮންޓެންޓް ތައްޔާރުކުރުމުގައި އެހީތެރިވުން.
• މީޑިއާ ސެކްޝަނުން އިންތިޒާމް ކުރާ ނޫސްވެރިންގެ ބައްދަލުވުންތަކާއި ޖަލްސާތަކާއި އިވެންޓުތައް އިންތިޒާމްކުރުން.
• ނޫސްވެރިންނާއި ބްރޯޑްކާސްޓަރުން އަދި ކެމެރާމަނުން ޚަބަރާބެހޭ ކަންކަމުގައި މަޖިލިސްކުރާގެއަށް އައިސްގޮސްވުމުގެ ކަންކަން ހަމަޖެހިފައިވާ އުސޫލުން ވިލަރެސްކޮށް އެކަމުގެ އެބޭފުޅުންނަށް އެހީތެރިވުން.
• ސެކްޝަންގައި ކުރަންޖެހޭ ބައެއް އިދާރީ މަސައްކަތްތައް ކުރުން، އެގޮތުން ސެކްޝަންގެ އަހަރީ ބަޖެޓް ތައްޔާރުކޮށް އަދި އަހަރީ ރިޕޯޓް ތައްޔާރުކޮށް ކަމާބެހޭ މަޖިލީހުގެ ސެކްޝަންތަކާއި ނުވަތަ ޑިޕާރޓްމަންޓްތަކާއި ޙަވާލުކުރުން.

އުޖޫރަ:

 މަހަކު -/7،150 ރުފިޔާ

އެލަވަންސް/އިނާޔަތްތައް:

- ހާޒިރީ އެލަވަންސްގެ ގޮތުގައި ވަޒީފާއަށް ހާޒިރުވާ ކޮންމެ ދުވަހަކަށް -/100 ރުފިޔާ

- ލިވިންގ އެލަވަންސްގެ ގޮތުގައި މަހަކު -/3500 ރުފިޔާ

- އިތުރު ގަޑީގައި މަސައްކަތްކުރާނަމަ ހަމަޖެހިފައިވާ އުސޫލުން އިތުރުގަޑީގެ ފައިސާ ދެވޭނެ