އިޢުލާން

މި އިދާރާ ރަމްޒުކޮށްދޭނެ އަމިއްލަވަންތަ ލޯގޯއެއް ފަރުމާކޮށްދޭނެ ފަރާތެއް ހޯދަން ބޭނުންވެއްޖެއެވެ. މިގޮތުން ހުށައަޅާ ހުށައެޅުންތަކުގެ ތެރެއިން ޝަރުތުހަމަވާ އެންމެ ރީތި ފަރުމާއެއް ހުށައަޅާ ފަރާތަކަށް -/5000ރ (ފަސްހާސް ރުފިޔާ)ގެ ފައިސާއެއް ދިނުމަށްވަނީ ހަމަޖެހިފައެވެ.

 ލޯގޯ ފަރުމާކުރުމުގައި ބަލަންޖެހޭ ކަންތައްތައް

• މި ކައުންސިލްގެ ކުލަ ކަމުގައިވާ ފެހިކުލަ ރަމްޒުކޮށްދިނުން
• ރަށުގެ ރީތި މޫދާއި އަތިރިމަތި އަދި ރަށުގެ ރުއްގަސް ރަމްޒުކޮށްދިނުން
• ފަތުރުވެރިކަމާއި، ދަނޑުވެރިކަމާއި އިޤްތިޞާދު ރަމްޒުކޮށްދިނުން
• މި ކައުންސިލްގެ މޮޓޯ ކަމުގައިވާ "އެކުގައި ކުރިއަށް" ހިމެނުން
• ފަރުމާ ކުރެވޭ ލޯގޯ އަކީ މުޅިން އައު އަމިއްލަވަންތަ ލޯގޯ އަކަށްވުން
• ލޯގޯއަކީ އެއްވެސް ސިޔާސީ ޕާޓީއެއް ނުވަތަ އެހެން އިދާރާއެއް ނުވަތަ ކުލަބު ޖަމްއިއްޔާއެއް ރަމްޒުކޮށްދޭ ފަރުމާއއެއް ކަމުގައި ނުވުން
• ލޯގޯ ފަރުމާކުރެވިފައި ހުންނަންވާނީ ލެޓަރ ހެޑް، ބިޒްނަސް ކާޑް، ސްޓާފް ކާޑް، ދިދަ، ވެބްސައިޓް ޕޭޖް، ޔުނިފޯމް އަދި ޖާރޒީ ފަދަ ތަކެތީގައި  ބޭނުންކުރެވޭފަދަ ގޮތަކަށެވެ.
• ލޯގޯއަކީ ލަކުޑި ނުވަތަ މައުދަނެއްގައި ފަސޭހައިން ކަނޑާނެގޭ އަދި ރޮދިން އެމްބްރޮއިޑް ކުރެވޭފަދަ ފަރުމާއެއް ކަމުގައިވުން
• ލޯގޯގެ ކޮރަލް ޑްރޯ ސޮފްޓް ފައިލްއެއް ވަކިން ތައްޔާރުކޮށް ހުށައެޅުން

ލޯގޯ އާއި އެކު ހުށައަޅަންޖެހޭ ޑިޒައިންތައް

• ލެޓާ ހެޑް އަދި ފުޓަރ ޑިޒައިން (ހެޑާގައި ދައުލަތުގެ ނިޝާން، ކައުންސިލްގެ ނަން ދިވެހިންނާއި އިނގިރޭސި އަކުރުން ހިމެނުން، އަދި ފުޓަރގައި ކައުންސިލްގެ ނަމާއި ފޯނު ނަންބަރާއި އަދި އީމެއިލް އެޑްރެސް ހިމެނުން)
• ބިޒްނަސް ކާޑް ޑިޒައިން (އިނގިރޭސިން)
• ސިޓީއުރައިގެ ބޭރު ޑިޒައިން (A4 އަދި C5 ސައިޒަށް)
• ސްޓާފް ކާޑް ޑިޒައިން
• ކައުންސިލްގެ ދިދަ

ޕޮއިންޓް ދިނުމުގައި ބަލާނެ ކަންތައްތައް

• ކުލަތައް ގެންސްފައިވާގޮތް %40
• އުފެއްދުންތެރިކަމާއި އަމިއްލަވަންތަކަން  %20
•  ހިމަނަންޖެހޭ އެންމެހާ ބައިތައް ހިމަނާފައިވާގޮތް %40

                  ވީމާ، މިކަމަށް ޝައުޤުވެރިވެލައްވާ އެންމެހާ ފަރާތްތަކުން 29 ނޮވެމްބަރު 2022 ވާ އަންގާރަ ދުވަހުގެ މެންދުރުފަހު 13:00 ގެ ކުރިން މި އދ. މަންދޫ ކައުންސިލްގެ އިދާރާއަށް އެފަރާތްތަކުގެ ފަރުމާ ހުށައެޅުއްވުން އެދި ދަންނަވަމެވެ. އީމެއިލް ކުރައްވާނަމަ info@mandhoo.gov.mv އަށް އީމެއިލް ކުރެއްވުން އެދެމެވެ.