ރާއްޖެއާއި ރާއްޖެއިން ބޭރުން މަތީ ތަޢުލީމާއި ތަމްރީނު ހޯދަން ދޭ ލޯނަށް އެދި އެޕްލިކޭޝަން ހުށަހަޅާފައިވާ ފަރާތްކުގެ ތެރެއިން އެޕްލިކޭޝަން ފޯމް ރީސަބްމިޓް ކުރުމަށް ފުރުޞަތު ދީފައިވާ މުއްދަތު 1 އޮގަސްޓް 2024 ވާ ބުރާސްފަތި ދުވަހުގެ 13:30 އަށް އިތުރުކޮށްފައިވާ ކަމުގައި ދެންނެވީމެވެ. ވީމާ، އެޕްލިކޭޝަން ފުރިހަމަކުރުމަށް އިރުޝާދުދެވިފައިވާ ގޮތަށް އެޕްލިކޭޝަން ފުރިހަމަކުރެއްވުމަށްފަހު މުއްދަތު ހަމަވުމުގެކުރިން އެޕްލިކޭޝަން ރީސަބްމިޓްކުރެއްވުން އެދެމެވެ.

28 ޖުލައި 2024 ގައި ރީސަބްމިޝަން ސުންގަޑި ހަމަވިއިރު، އެޕްލިކޭޝަން ފޯމް ރަނގަޅުކުރުމަށްފަހު ހުށަހަޅާފައިވާ ފަރާތްތަކަށްވެސް މި ފުރުސަތުވަނީ އިތުރުކޮށްދީފައެވެ. އެހެންކަމުން، އެ އެޕްލިކޭޝަން ފުރިހަމަކުރުމަށް އިތުރުއެއްވެސްކަމެއް ކުރަން ޖެހޭނަމަ، އެ ކަމެއްކުރެއްވުމަށްފަހު، 1 އޮގަސްޓް 2024 ވާ ބުރާސްފަތި ދުވަހުގެ 13:30 ގެ ކުރިން އެޕްލިކޭޝަން ރީސަބްމިޓްކުރެއްވުން އެދެމެވެ.