ބ. ދަރަވަންދޫ މަގުތަކަށް މަގުބައްތި އިތުރުކުރުމާއި ބައެއް މަގުބައްތި ނެގުމުގެ މަސައްކަތަށް ކޯޓޭޝަން ހޯދުމަށް ބޭނުންވެއެވެ.

ކުރަން ޖެހޭ މަސައްކަތް:

-          170 މީޓަރު ކޯރު ކޮނުމާއި ކޭބަލްއަޅައި ދިނުން.

-          10 ބައްތިދަނޑި ޖެހުމަށް ބޭނުންވާ ބުޑުތައް އަޅައި ދަނޑި ހަރުކޮށްދިނުން.

-          05 ބައްތި ދަނޑި ބުޑާއެކު ހުރިތަނުން ނެގުން އަދި ބުޑުތައް އުކާލުން.

-          03 ބައްތި ދަނޑި ބުޑު ނަގައި އުކާލުން.

-          ބައްތި ދަނޑިތައް ކޮޅަށްޖަހައި، އިލެކްޓްރިކް ނެޓްވޯކް ކަނެކްޝަން ހަދައިދިނުން.

-          ބައްތި ދަނޑިތަކުގައި ލައިޓް ހަރުކޮށް ގުޅައިދިނުން.

ކުރަންޖެހޭ މަސައްކަތްތަކުގެ ތަފްޞީލް:

• ބުޑުތައް އަޅާނީ މި އިދާރާއިން ބައްތި ދަނޑި ޖެހުމަށްޓަކައި މަގުތަކުގައި ޖަހާފައިވާ ފާހަގަތަކަށް ބަލައި މި އިދާރާގެ ލަފާގެމަތީންނެވެ.
• މަގުތަކުގެ ބައްތި ދަނޑިތަކުގެ ބުޑު އަޅާނީ ދަނޑި އާއެކު 1 ފޫޓް X 1 ފޫޓް X ½ 2 ފޫޓުގެ މާސް ކޮންކްރީޓުންނެވެ.
• ބައްތި ދަނޑިތަކުގެ ބުޑު ކޮންކުރީޓްއަށް ލެވޭވަރަށް 10 އިންޗި ދިގު 10 އެމް އެމްގެ އެނބުރި ދަނގަޑު ހޮޅީގެ ހުރަހަށް ވެލްޑްކޮށް އެބައިގައި ތާރު ލާންވާނެއެވެ.
• ހޮޅިދަނޑި ޖެހުމުގެ ކުރިން ދަނޑީގައި އެލްމިނިއަމް ދަވާދު ލާންވާނެއެވެ.
• ކޯރު ކޮނެ ނަރު ލުމަށްފަހު ކޯރަށް ފަސްއެޅުމުގެ ކުރިން ވޯނިންގ ޓޭޕް އަޅަން ޖެހޭނެއެވެ.
• ސަޕްލައި ދަތުރުކުރާ ކޯރަށް ފަސްއަޅާއިރު ވެލީގެ އިތުރުން ކޯރު ކޮނުނުއިރު، ނެގިފައިވާ ގައު ކޮނެފައިވާ ކޯރަށް އަޅައިގެން ނުވާނެއެވެ.
• ހުރިހާ ކޮންކްރީޓެއް ގަށަންވާނީ 1 ސިމެންތި : 2 ވެލި : 3 ހިލަ (1:2:3) ގެ ރޭޝިއޯއިންނެވެ. ކޮންކްރީޓް ގަށާއިރު ބަރާބަރަށް މިންގަނޑު ބަލަންވާނެއެވެ.
• ބައްތި ދަނޑި ޖެހުމަށް ކޮންނަންޖެހޭ ކޯރުގެ ފުންމިނުގައި 2.5 ފޫޓް ހުންނަންވާނެއެވެ.
• ބައްތި ދަނޑީގެ ފައުންޑޭޝަން އެޅުމަށް ވަޅުކޮނުމަށްފަހު ނަގާވެލިތައް ފަތުރައި އެއްވަރުކޮށްދޭން ވާނެއެވެ.
• މަސައްކަތް ކުރުމަށްޓަކައި ނަގަންޖެހޭ އެއްވެސް ހުއްދައެއް ވާނަމަ އެހުއްދައެއް ނެގުމަކީ މަސައްކަތާ ހަވާލުވާ ފަރާތުގެ ޒިންމާއެކެވެ. އަދި މަގު ކޮނުމުގެ މަސައްކަތުގެ ތެރެއިން ވަޅުލާފައިވާ އެއްވެސް ކޭބަލް އަކަށް ގެއްލުމެއް ލިބިއްޖެނަމަ އެކަމުގެ ޒިންމާވެސް ނަގަންޖެހޭނީ މަސައްކަތާ ހަވާލުވާ ފަރާތުންނެވެ.
• މަސައްކަތް ނިންމާ ހަވާލުކުރުމުގެ ކުރިން ސައިޓް ސާފުކޮށް ދޭންވާނެއެވެ.

މަސައްކަތް ކުރުމަށް ދެވޭ މައިގަނޑު ތަކެތީގެ ލިސްޓް

-          މަގު ބައްތި ދަނޑި

-          މަގު ބައްތި

-          ކޭބަލް

-          ވޯނިންގ ޓޭޕް

ނޯޓް: މީގެ އިތުރުން މަސައްކަތަށް ބޭނުންވާ ތަކެތި ހޯދުމަކީ މަސައްކަތް ކުރާ ފަރާތުގެ ޒިންމާއެކެވެ.

ވީމާ، މި ކަމަށް ޝައުޤުވެރިވާ ފަރާތްތަކުން މި މަސައްކަތް ކޮށްދެއްވާނެ އަގާއި މުއްދަތު ބަޔާންކޮށް 2024 އޮގަސްޓް 25  ވާ އާދީއްތަ ދުވަހުގެ 13:00 އަށް ކޯޓޭޝަން ހިއްޕަވައިގެން މިއިދާރާއަށް ވަޑައިގެން ދެއްވުން އެދެމެވެ.

ކޯޓޭޝަން އާއި އެކު ތިރީގައިވާ ލިޔެކިޔުންތައް ހުށައަޅަންވާނެއެވެ.

-          ވިޔަފާރި ރަޖިސްޓްރީގެ ކޮޕީ ނުވަތަ ކުންފުނީގެ ރަޖިސްޓްރީ ކޮޕީ

-           އަމިއްލަ ފަރުދެއްނަމަ، ވިޔަފާރި ރަޖިސްޓްރީގެ އިތުރުން އައިޑީކާޑުގެ ސާފު ކޮޕީއެއް.

ކޯޓޭޝަން ހުށައެޅުއްވޭނީ އަމިއްލަ ފަރުދުންގެ ވިޔަފާރީގެ ޤާނޫނު (ޤާނޫނު ނަމްބަރު 2014/19) ދަށުން ރަޖިސްޓްރީކޮށްފައިވާ ފަރާތްތަކަށާއި ވިޔަފާރި ރަޖިސްޓްރީ ކުރުމުގެ ޤާނޫނު (ޤާނޫނު ނަންބަރު 2014/18) ގެ ދަށުން ރަޖިސްޓްރީކޮށްފައިވާ ފަރާތްތަކަށް އެކަންޏެވެ. 

މަސައްކަތްކޮށް ދޭނެ ފަރާތެއް ކަނޑައަޅާނެގޮތް:   ހުށަހަޅުއްވާ އަގަށް: %80             ތަޖުރިބާއަށް: %20

އިތުރު މަޢުލޫމާތު ސާފުކުރެއްވުމަށް މި އިދާރާގެ ނަންބަރު 6602514 ފޯނާއި ގުޅުއްވުން އެދެމެވެ.